Դեսպան Խումարյանի և Համայն Բելառուսի Ուղղափառ Եկեղեցու ղեկավար, Մինսկի և Զասլավլի միտրոպոլիտ Վենիամինի հանդիպման վերաբերյալ

03 նոյեմբերի, 2021

2021թ․ նոյեմբերի 3-ին Բելառուսի Հանրապետությունում Հայաստանի Հանրապետության արտակարգ և լիազոր դեսպան Ռազմիկ Խումարյանը հանդիպում ունեցավ Համայն Բելառուսի Ուղղափառ Եկեղեցու ղեկավար, Մինսկի և Զասլավլի միտրոպոլիտ Վենիամինի հետ։

Գերաշնորհ Սուրբ հայրը շնորհավորեց դեսպանին նշանակման կապակցությամբ, հետաքրքրվեց հայ-բելառուսական հարաբերությունների ընթացիկ դինամիկայով, Բելառուսի հայ համայնքի գործունեությամբ` պատրաստակամություն հայտնելով ուժերի ներածին չափ օժանդակություն ցուցաբերել։

ՀՀ դեսպանը երախտագիտություն հայտնեց բելառուսական կողմի հոգևոր և աշխարհիկ իշխանություններին՝ Մինսկում հայկական եկեղեցու շինարարության հարցում կառուցողական մոտեցման և ցուցաբերվող շարունակական աջակցության համար։

Զրուցակիցներն ընդգծեցին Հայ առաքելական եկեղեցու և նրա սրբերի (մասնավորապես, Գրիգոր Լուսավորչի) նշանակությունը, ինչպես նաև հայկական եկեղեցական ճարտարապետության և խաչքարերի եզակի ինքնատիպությունը քրիստոնեական աշխարհում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր