Դեսպան Խումարյանի և Բելառուսի Հանրապետությունում Համաշխարհային բանկի նորանշանակ մշտական ներկայացուցչի հանդիպման վերաբերյալ

08 նոյեմբերի, 2021

2021թ․ նոյեմբերի 8-ին ՀՀ դեսպանությունում կայացավ Բելառուսի Հանրապետությունում Հայաստանի Հանրապետության արտակարգ և լիազոր դեսպան Ռազմիկ Խումարյանի հանդիպումը Բելառուսի Հանրապետությունում Համաշխարհային բանկի մշտական ներկայացուցիչ Գևորգ Սարգսյանի հետ։

Պարոն Սարգսյանն ընդհանուր գծերով ներկայացրեց Բելառուսում Համաշխարհային բանկի գործունեության հիմնական ուղղություններն ու կայուն զարգացման բնագավառում իրականացվող ծրագրերը (ներառելով այնպիսի ոլորտներ, ինչպիսիք են առողջապահությունը, բնապահպանությունը, էներգետիկան, ճանապարհային ենթակառուցվածքների շինարարությունը և այլն)։

Հանդիպման ընթացքում պարոն Սարգսյանի խնդրանքով դեսպան Խումարյանը զրուցակցին հակիրճ տեղեկացրեց հայ-բելառուսական հարաբերությունների զարգացման ընթացիկ դինամիկայի, հայ համայնքի գործունեության մասին։

Դեսպանը հաջողություն մաղթեց պարոն Սարգսյանին ստանձնած պատասխանատու աշխատանքում՝ ի բարօրություն բարեկամ Բելառուսի և նրա ժողովրդի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր