Դեսպան Ռ․Խումարյանի և Բելառուսում Ֆրանսիայի գործերի ժամանակավոր հավատարմատարի հանդիպման վերաբերյալ

10 նոյեմբերի, 2021

2021թ․ նոյեմբերի 10-ին կայացավ Բելառուսի Հանրապետությունում Հայաստանի Հանրապետության արտակարգ և լիազոր դեսպան Ռազմիկ Խումարյանի հանդիպումը Բելառուսում Ֆրանսիայի գործերի ժամանակավոր հավատարմատար Ալեքսանդր Պիկեի (Alexandre Piquet) հետ։

Պարոն Պիկեն դեսպան Խումարյանին ներկայացրեց ֆրանս-բելառուսական հարաբերությունների արդի վիճակն ու Ֆրանսիայի Հանրապետության դեսպանության գործունեությունը։

Զրուցակիցները բարձր գնահատեցին հայ-ֆրանսիական երկկողմ առանձնաշնորհյալ բարեկամական հարաբերությունները և փոխգործակցությունը տարբեր ոլորտներում, ինչպես նաև միջազգային հարթակներում։

Հանդիպման ընթացքում զրուցակիցները հատուկ անդրադարձան Արցախի (Լեռնային Ղարաբաղի) հիմնահարցի բանակցային գործընթացին՝ վերահաստատելով բացառապես ԵԱՀԿ Մինսկի խմբի համանախագահության շրջանակներում հակամարտության լուծման ուղղությամբ հանձնառության կարևորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր