ԱՊՀ մշտական և լիազոր ներկայացուցիչների խորհրդի հերթական նիստի վերաբերյալ (23.11.2021)

23 նոյեմբերի, 2021

Նոյեմբերի 23-ին Մինսկում՝ ԱՊՀ Գործադիր կոմիտեում, կայացավ ԱՊՀ մասնակից պետությունների մշտական և լիազոր ներկայացուցիչների խորհրդի հերթական նիստը։

Նիստի ընթացքում մշտական և լիազոր ներկայացուցիչները դիտարկեցին՝ ահաբեկչական գաղափարախոսության քարոզչության, գրոհայինների նյութատեխնիկական և ֆինանսական սնուցման կանխմանն ուղղված անվտանգության ազգային մարմինների և հատուկ ծառայությունների փոխգործակցության համակարգման ուղղությամբ ԱՊՀ մասնակից պետությունների Հակաահաբեկչական կենտրոնի գործունեության վերաբերյալ տեղեկատվությունը: Դիտարկվեց նաև Անօրինական միգրացիայի դեմ պայքարում ԱՊՀ մասնակից պետությունների 1998թ․ մարտի 6-ի համաձայնագրի մասնակից պետությունների համատեղ հանձնաժողովի գործունեության մասին զեկույցը:

Մշտական և լիազոր ներկայացուցիչները քննարկեցին ԱՊՀ կառավարությունների ղեկավարների խորհրդի նիստի և ընդունված փաստաթղթերի ու ձեռք բերված պայմանավորվածությունների իրականացման վերաբերյալ հարցերը։

Նիստի մասնակիցների հաստատմանը ներկայացվեց ԱՊՀ տնտեսական խորհրդի 2020թ․ սեպտեմբերի 15-ի որոշմամբ հաստատված ԱՊՀ 30-ամյակին նվիրված միջոցառումների ծրագրի իրականացման ընթացքի մասին տեղեկատվություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր