Մինսկում Հոլոքոստի զոհերի հիշատակի միջազգային օրվան նվիրված միջոցառմանը մասնակցության վերաբերյալ

27 հունվարի, 2022

Բելառուսի Հանրապետությունում ՀՀ արտակարգ և լիազոր դեսպան Ռազմիկ Խումարյանը և դեսպանության երկրորդ քարտուղար Նարեկ Տիրատուրյանը մասնակցեցին 2022թ․ հունվարի 27-ին Մինսկի «Яма» հուշահամալիրում Հոլոքոստի զոհերի հիշատակի միջազգային օրվան նվիրված ոգեկոչման արարողությանը։

Միջոցառմանը ներկա էին նաև Բելառուսի Հանրապետության արտաքին գործերի նախարարի տեղակալ Սերգեյ Ալեյնիկը, ով հանդես եկավ բացման խոսքով, Բելառուսում Իսրայել պետության դեսպան Ալեքս Գոլդման-Շայմանը, Բելառուսում հավատարմագրված օտարերկրյա պետությունների և միջազգային կազմակերպությունների դիվանագիտական ներկայացուցչությունների ղեկավարներ և աշխատակիցներ, հասարակական կազմակերպությունների ու հրեական համայնքային կառույցների, բելառուսական ԶԼՄ-ների ներկայացուցիչներ։

Արարողության մասնակիցները ծաղիկներ խոնարհեցին հուշարձանի մոտ՝ ի հիշատակ Մինսկի գետտոյի զոհերի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր