Բելառուսում ԵՄ պատվիրակության գործերի ժամանակավոր հավատարմատարի հետ հանդիպման վերաբերյալ

24 օգոստոսի, 2022

2022թ․ օգոստոսի 23-ին Բելառուսում Հայաստանի Հանրապետության դեսպանությունում կայացավ դեսպան Ռազմիկ Խումարյանի հանդիպումը Բելառուսում ԵՄ պատվիրակության գործերի ժամանակավոր հավատարմատար Էվելինա Շուլցի հետ։

Հանդիպման ընթացքում զրուցակիցներն անդրադարձան ներկա իրավիճակում ԵՄ պատվիրակության գործունեությանն առնչվող հարցերին, հայ-բելառուսական հարաբերությունների արդի օրակարգին և երկկողմ փոխգործակցության ընթացիկ դինամիկային, մասնավորապես տարածաշրջանային ինտեգրացիոն միավորումների շրջանակներում։

Զրուցակիցները բարձր գնահատեցին Հայաստան-ԵՄ համապարփակ և ընդլայնված գործընկերության համաձայնագրի (Comprehensive and Enhanced Partnership Agreement/CEPA/) շրջանակներում, ինչպես նաև Արևելյան գործընկերության ձևաչափով ՀՀ-ԵՄ հարաբերությունները՝ կարևորելով դրանց հետագա զարգացումը։

Անդրադարձ կատարվեց նաև արդի փուլում Լեռնային Ղարաբաղի հակամարտության խաղաղ կարգավորման գործընթացի համատեքստում ԵՄ դերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր