Դեսպան Ռ․Խումարյանի և Բելառուսի անտառտնտեսության նախարարի հանդիպման վերաբերյալ

12 սեպտեմբերի, 2022

2022թ․ սեպտեմբերի 12-ին կայացավ Բելառուսի Հանրապետությունում Հայաստանի Հանրապետության դեսպան Ռազմիկ Խումարյանի հանդիպումը Բելառուսի Հանրապետության անտառային տնտեսության նախարար, Առևտրատնտեսական համագործակցության հարցերով հայ-բելառուսական միջկառավարական հանձնաժողովի բելառուսական մասի նախագահ Ալեքսանդր Կուլիկի հետ։

Զրուցակիցներն անդրադարձան ս․թ․ սեպտեմբերի 30-ին Երևանում անցկացվելիք Առևտրատնտեսական համագործակցության հարցերով հայ-բելառուսական միջկառավարական հանձնաժողովի 16-րդ նիստի նախապատրաստմանն ու անցկացմանն առնչվող հարցերին, գոհունակությամբ նշեցին երկկողմ առևտրաշրջանառության կրկնակի աճի հանգամանքը, մտքեր փոխանակեցին Հայաստանի և Բելառուսի միջև դիվանագիտական հարաբերությունների հաստատման 30-ամյակի կապակցությամբ հաջորդ տարի նախատեսվող միջոցառումների վերաբերյալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր