ՀՀ էկոնոմիկայի նախարարի գլխավորած պատվիրակության Բելառուս այցի վերաբերյալ

03 դեկտեմբերի, 2022

2022թ. դեկտեմբերի 1-2-ը կայացավ ՀՀ էկոնոմիկայի նախարար, Առևտրատնտեսական համագործակցության հարցերով հայ-բելառուսական միջկառավարական հանձնաժողովի համանախագահ Վահան Քերոբյանի գլխավորած պատվիրակության երկօրյա աշխատանքային այցը Բելառուս։

ԲՀ փոխվարչապետ Պյոտր Պարխոմչիկի հետ կայացած հանդիպմանը մասնակցում էին Բելառուսի արդյունաբերության նախարարը, անտառային տնտեսության, գյուղատնտեսության և պարենի նախարարների առաջին տեղակալները, ինչպես նաև հակամենաշնորհային կարգավորման և առևտրի նախարարության, «Белгоспищепром»-ի բարձրաստիճան ներկայացուցիչներ և այլ պաշտոնյաներ։

Այցի ընթացքում կայացան նաև Վ․Քերոբյանի հանդիպումները ԲՀ անտառային տնտեսության նախարար, Առևտրատնտեսական համագործակցության հարցերով հայ-բելառուսական միջկառավարական հանձնաժողովի համանախագահ Ալեքսանդր Կուլիկի, հակամենաշնորհային կարգավորման և առևտրի նախարար Ալեքսեյ Բոգդանովի, գյուղատնտեսության նախարար Իգոր Բրիլոյի հետ։

Հանդիպումների ընթացքում կողմերը գոհունակություն արտահայտեցին ՀՀ և ԲՀ միջև առևտրաշրջանառության վերջին տարիներին գրանցված աճի առիթով։ Նշվեց, որ անցնող տարվա 9 ամիսների արդյունքներով այն աճել է 2,4 անգամ։

Որոշվեց Առևտրատնտեսական համագործակցության հարցերով հայ-բելառուսական միջկառավարական հանձնաժողովի նիստերն այսուհետ անցկացնել տարին ոչ թե մեկ, այլ երկու անգամ։

ՀՀ էկոնոմիկայի նախարարության պատվիրակությունն այցելեց Մինսկի տրակտորների գործարան, «Horizont» ինովացիոն կենտրոն, «Geely» մակնիշի մարդատար ավտոմոբիլների արտադրության բելառուսա-չինական համատեղ գործարան, ալկոհոլային արտադրանք թողարկող «Մինսկ կրիստալ» ընկերություն, պետական լոգիստիկ օպերատոր «Белтаможсервис» ձեռնարկության կենտրոնական գրասենյակ, Ձերժինսկի անտառտնտեսություն, Անտառային ծառատեսակների սելեկցիոն-սերմնաբուծական հանրապետական կենտրոն և այլն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր