Մինսկում կայացավ Առնո Բաբաջանյանին նվիրված գալա-համերգ

27 մարտի, 2023

2023թ. մարտի 26-ին Բելառուսական պետական ֆիլհարմոնիայի մեծ դահլիճում կայացավ գալա-համերգ՝ նվիրված ականավոր հայ կոմպոզիտոր և դաշնակահար, ԽՍՀՄ ժողովրդական արտիստ Առնո Բաբաջանյանի ստեղծագործական արվեստին։

Հանդիսատեսին խոսքով դիմեց Բելառուսում ՀՀ դեսպան Ռազմիկ Խումարյանը։ ՀՀ դեսպանը խորհրդանշական համարեց Բելառուսի մշակութային կյանքի համատեքստում հայ կոմպոզիտորին նվիրված նմանօրինակ նշանակալի միջոցառման անցկացումը ընթացիկ տարում, երբ Հայաստանն ու Բելառուսը նշում են դիվանագիտական հարաբերությունների հաստատման 30-ամյակը։

Ելույթով հանդես եկավ նաև Առնո Բաբաջանյանի հիշատակի հիմնադրամի գլխավոր պրոդյուսեր Արմեն Սարկիսյանցը, որը շնորհակալագրերով և մեդալներով պարգևատրեց ԲՀ Իոսիֆ Ժինովիչի անվան պետական ակադեմիական ժողովրդական նվագախմբին, վերջինիս դիրիժոր Ալեքսանդր Կրեմկոյին, ինչպես նաև Բելառուսական պետական ֆիլհարմոնիայի տնօրինությանը։

Դեսպան Ռ․Խումարյանն ու Ա․Սարկիսյանցն ընդգծեցին, որ Առնո Բաբաջանյանի ստեղծագործությունները նվաճել են ունկնդիրների մի քանի սերունդների սրտերը՝ արժանի տեղ զբաղեցնելով համաշխարհային երաժշտության գանձարանում․ Բաբաջանյանի հեղինակած երաժշտության հիման վրա գրված երգերից շատերն արժանացել են միջազգային մրցանակների՝ համաշխարահային ճանաչում բերելով կոմպոզիտորին։

Հնչեցին կոմպոզիտորի հայտնի և սիրված ստեղծվագուրծություններ՝ ԲՀ Իոսիֆ Ժինովիչի անվան պետական ակադեմիական ժողովրդական նվագախմբի, Առնո Բաբաջանյանի հիշատակի հիմնադրամի մենակատարների, ինչպես նաև «Нотки Арно» մանկական համույթի կատարմամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր