Հայաստանի Առաջին Հանրապետության 105-րդ տարեդարձի կապակցությամբ Բելառուսի հայ համայնքների ներկայացուցիչների մասնակցությամբ կայացած հավաքի վերաբերյալ

27 մայիսի, 2023

Հայաստանի Հանրապետության օրացույցի ամենակարևոր տոնական ամսաթվերից մեկի՝ Հայաստանի Առաջին Հանրապետության հռչակման 105-րդ տարեդարձի նախօրեին՝ 2023թ․ մայիսի 27-ին, Մինսկում կայացավ Բելառուսի հայ համայնքների ղեկավարների և ներկայացուցիչների, այդ թվում՝ երիտասարդների հավաքը՝ Բելառուսում ՀՀ դեսպան Ռազմիկ Խումարյանի և ՀՀ դեսպանության դիվանագետների մասնակցությամբ։

Դեսպան Խումարյանն իր խոսքում անդրադարձավ ներկայիս Հայաստանի Հանրապետության կայացման գործում Առաջին Հանրապետության դերին, կարևորեց աշխարհասփյուռ հայության կողմից մեր երիտասարդ անկախ պետությանը համակողմանի սատարման անհրաժեշտությունը։

Հավաքի ընթացքում քննարկվեցին Բելառուսում բնակվող հայության համայնքային կյանքի կազմակերպման արդիական հարցերն ու այդ ուղղությամբ գործունեության հեռանկարները։ Հատուկ անդրադարձ կատարվեց Մինսկում կառուցվող հայ առաքելական եկեղեցու շինարարության ընթացքին և այդ համատեքստում առաջիկա անելիքներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր