Բելառուսում ՀՀ դեսպանությունը մասնակցեց նախաամանորյա ավանդական բարեգործական ցուցահանդես-տոնավաճառին

10 դեկտեմբերի, 2023

2023թ. դեկտեմբերի 9-ին Մինսկի ավտոմոբիլային գործարանի («МАЗ») մշակույթի պալատում կայացավ Բելառուսի Հանրապետությունում հավատարմագրված պետությունների դեսպանների, դիվանագետների և օտարերկրյա ներկայնացուցիչների կանանց միջազգային ակումբի կողմից կազմակերպված նախաամանորյա բարեգործական ցուցահանդես-տոնավաճառը, որին տեղի հայ համայնքի օժանդակությամբ սեփական տաղավարով մասնակցեց նաև Բելառուսի Հանրապետությունում Հայաստանի Հանրապետության դեսպանությունը:

Տաղավարում ներկայացված էին հայաստանյան ընկերությունների արտադրության ալկոհոլային խմիչքներ, քաղցրավենիք, մուրաբաներ և մրգախյուսեր, բնական կոսմետիկ միջոցներ և տեքստիլ, ինչպես նաև հայկական գաթա, ձեռքի աշխատանք հանդիսացող խաղալիքներ (այդ թվում՝ տոնածառի): Ցուցադրված էին նաև Հայաստանի հարուստ պատմամշակութային ժառանգությունն ու զբոսաշրջային ներուժը ներկայացնող, ինչպես նաև հայ-բելառուսական պատմական առնչությունների տարբեր ասպեկտներին նվիրված գրքեր ու տեղեկատվական նյութեր:

Միջոցառումն ուղեկցվեց համերգային ծրագրով՝ «МАЗ»-ի մշակույթի պալատի ստողծագործական կոլեկտիվների և պրոֆեսիոնալ կատարողների մասնակցությամբ: Ելույթներ ունեցան նաև ցուցահանդես-տոնավաճառին մասնակցած պետությունները ներկայացնող բելառուսաբնակ ազգային փոքրամասնությունների համույթներն ու անհատ կատարողները, այդ թվում՝ «Էրեբունի» հայկական ազգագրական պարային համույթի սաները, քանոնահարուհի Ահահիտ Գևորգյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր