Մայրենի լեզվի միջազգային օրվան նվիրված միջոցառմանը Բելառուսում ՀՀ դեսպան Ռ․Խումարյանի մասնակցության վերաբերյալ

18 փետրվարի, 2024

2024թ․ փետրվարի 16-ին Մինսկի քաղաքային ռատուշայում կայացավ Բելառուսի Հանրապետության արտաքին գործերի նախարարության կողմից կազմակերպված` Մայրենի լեզվի միջազգային օրվան նվիրված բելառուսական պոեզիայի երեկո՝ ԲՀ արտաքին գործերի նախարար Սերգեյ Ալեյնիկի և արտգործնախարարի տեղակալ Յուրի Ամբրազևիչի մասնակցությամբ։

Միջոցառման շրջանակներում Բելառուսի Հանրապետությունում հավատարմագրված օտարերկրյա մի շարք պետությունների և միջազգային կազմակերպությունների դիվանագիտական ներկայացուցչությունների ղեկավարներ բելառուսերեն արտասանեցին բելառուսական պոեզիայի դասականների բանաստեղծություններ։

Դեսպան Ռազմիկ Խումարյանը արտասանեց մի հատված բելառուս բանաստեղծ Ալես Ստավերի ստեղծագործությունից։

Մեջբերելով Սիլվա Կապուտիկյանի «Խոսք իմ որդուն» բանաստեղծությունից մի հատված՝ դեսպան Խումարյանն իր խոսքում և լրագրողներին տված հարցազրույցում ընդգծեց ժողովուրդների ազգային ինքնության և յուրօրինակության պահպանման, աշխարհայացքի ձևավորման և պետականության կերտման հարցում մայրենի լեզվի նշանակությունը՝ այս առումով որպես ակնառու օրինակ մատնանշելով հայ ժողովրդի ճակատագրում մայրենի լեզվի և հայոց այբուբենի դերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր